حسام حسن وتريزيجيه: المنتخب المصري جاهز لمواجهة إسبانيا.. ومستعدون لتقديم مباراة قوية
أدلى حسام حسن المدير الفني للمنتخب المصري بتصريحات قبل مواجهة منتخب إسبانيا غدًا في كأس العالم، مؤكدًا على جاهزية فريقه وقدرته على تقديم مباراة قوية.
تصريحات حسام حسن
قال حسام حسن: “أنا عارف إن منتخب إسبانيا هو المُصنَّف الأول، لكن كرة القدم مش بتعترف بالكلام ده. عندنا الكرة في مصر مش قليلة، وحتى مشاركتنا في كأس العالم دايمًا حلوة، وشاركنا 4 مرات. وحتى في كأس عالم 90 حققنا نتيجة إيجابية قدام هولندا، ولو حققنا نتيجة إيجابية زي مكسب أو تعادل هيكون شيء مميز، وكرة القدم فيها كل شيء.”
وأضاف: “أنا جاي ألعب إسبانيا عشان عارف إن مستواهم زي مستوى بلجيكا ونيوزيلندا اللي معانا في المجموعة. عايز أقول للّعيبة بتاعتي إن الموضوع مش صعب. أنا حتى لما هلعب وسط الجماهير الإسبانية، مش خايف خالص. وارد تكسب وتخسر، بس لازم نقدم مباراة تكون حلوة للكرة المصرية. الناس فاكرة إن إسبانيا هتكسب بسهولة، لكن المنتخب المصري مبيخسرش بسهولة.”
وتحدث عن المواهب الشابة قائلاً: “عمر مرموش لسه سنه صغيرة ومتاح له وقت يكون واحد من نجوم العالم. لاعب عنده سرعة ومهارة والتسديد بشكل مميز، لكن هتلاقوا لعيبة كتير في المنتخب المصري زي عمر مرموش. هتشوفوا بكرة مواهب تليق بالكرة المصرية والإفريقية.”
وعن قوة المنتخب الإسباني، أضاف: “مستقبل منتخب إسبانيا كبير، عندهم نجوم زي رودي لاعب مانشستر سيتي ولامين يامال وبيدري، وكلهم صغار السن يعني المستقبل ليهم. المباراة هتكون صعبة جدًا فنيًا وبدنيًا، وأنا معجب بالكرة الإسبانية سواء الأندية أو المنتخب، ومبسوط بتواجدي هنا في إسبانيا.”
تصريحات تريزيجيه
قال تريزيجيه: “إن شاء الله اللعيبة داخلة المباراة وهي قد المسؤولية. كابتن حسام عمل معانا شغل كبير، بس إحنا بنشتغل مع بعض كتير فحافظين بعض. قدرنا نحقق فوز كبير على منتخب قوي زي السعودية، وإن شاء الله نستمتع بالمباراة غدًا.”