تصريحات مهمة جدًا لشيكالا عن الزمالك في لقائه الأخير

شيكابالا في تصريحاته الأخيرة فتح ملفات مهمة جدًا عن الزمالك، وركز على أكتر من جانب

سوق الانتقالات واللاعبين الجدد

اعتبر إن ضم شيكو بانزا للجناح الأيسر مش هو الحل الأمثل، وكان من الأفضل الإبقاء على مصطفى شلبي لأنه كان محتاج دعم نفسي فقط، وأكد إنه لاعب مميز ولسه ما قدمش 10% من إمكانياته، ومتوقع يتألق مع البنك الأهلي.

تكلم عن خوان ألفينا وشيكو بانزا بشكل عام، وربطهم باحتياجات الفريق.

ملف مصطفى شلبي

قال إن الطريقة اللي انضم بيها شلبي للزمالك ظلمته، بسبب تصريحات رئيس إنبي اللي قال إن اللاعب كان عايز يروح الأهلي، وده عمل فجوة بينه وبين الجماهير.

طموحات الزمالك هذا الموسم

شيكابالا أكد إن المركز الثاني في الدوري يعتبر إنجاز كويس جدًا في ظل مرحلة بناء الفريق، والأهم هو العودة لدوري أبطال إفريقيا.

الهيكلة والنظام

أشار إن زمان كان كل حاجة بتتسرب من النادي، لكن دلوقتي الوضع اتغير، ومفيش معلومات بتخرج سواء في مشاكل أو لا، وده فرق كبير في النظام.

إخفاق إفريقيا أمام صن داونز

كشف إن الزمالك وقتها كان معتمد على 14 لاعب فقط، وكان في تجاوزات كبيرة (زي لاعيبة بتشيشوا في المعسكر)، والإدارة سمحت بده، وبالتالي “مكنش ينفع ناخد بطولة بالحجم ده بالشكل اللي كنا ماشيين بيه”.

طموحه في التدريب

قال إنه بيتمنى تدريب الزمالك، لكن “الناس مش هتسيبه يشتغل”، لأنه جوه النادي مش هيلاقي دعم أو ظهر، رغم إن الجماهير وراه.

ملف حسام عبد المجيد

شدد على إن ملف التجديد مع حسام عبد المجيد لازم يتقفل بسرعة، ولو اللاعب مش عايز يجدد، النادي يستفيد ماليًا من بيعه.

كشف إنه نصح الإدارة قبل كده ببيع زيزو لما رفض التجديد، علشان يستفيد النادي ماديًا وما يجمدش الموارد، وأكد إن ده الأسلوب الصح لاستقرار الفريق.