بسبب الإقبال الرهيب.. الجماهير تستأجر شرفات ب500 يورو لمشاهدة مباراة البوسنة وإيطاليا

في واقعة غريبة بتعكس جنون كرة القدم في أوروبا، تحولت مباراة منتخب البوسنة والهرسك ضد منتخب إيطاليا في ملحق التصفيات المؤهلة لكأس العالم 2026 لحدث استثنائي خارج الملعب قبل ما تبدأ حتى.

الطلب الكبير جدًا على التذاكر خلّى الجماهير تدور على أي وسيلة لمتابعة اللقاء، لدرجة إن واحد من سكان مدينة زينيتسا استغل موقع شقته القريب من الملعب وطرح فكرة غير تقليدية تمامًا.

صاحب الشقة أعلن تأجير شرفته المطلة مباشرة على ملعب المباراة مقابل 500 يورو، في عرض أثار جدل واسع على السوشيال ميديا. لكن الغريب مش في السعر بس، ده كمان في التفاصيل اللي قدمها.

العرض مش مجرد مكان للفرجة، لكنه تجربة كاملة، حيث تشمل الشرفة مساحة تكفي 4 أشخاص، مع تقديم وجبات مشويات ومشروبات، بالإضافة لإطلالة واضحة على أرض الملعب تغني عن التواجد وسط الجماهير.

المباراة المنتظرة على ملعب “بيلينو بولي” جاية في توقيت حساس جدًا، خصوصًا بالنسبة لمنتخب إيطاليا اللي بيدخل اللقاء تحت ضغط كبير، خوفًا من تكرار سيناريو الغياب عن كأس العالم للمرة الثالثة على التوالي، وهو ما هيكون صدمة تاريخية لجماهيره.

في المقابل، جماهير البوسنة بتحلم بتكرار إنجاز 2014 والتأهل من جديد للمونديال، وده اللي مخلّي الأجواء مشتعلة داخل وخارج الملعب… لدرجة إن حتى البلكونات دخل